Nagpangayo sang pasaylo ang head coach sang Ateneo Blue Eagles nga si Tab Baldwin kasunod sang trahedya nga ginkamatay sang duha ka Ateneo basketball players nga sanday Rene Baterbonia kag Divine Adili.
Sa labing-una nga tion matapos ang drowning incident, nagpaguwa si Baldwin sang iya statement kagab-i.
Suno sa coach, tuman man ang iya nga kasubo bangud sa natabo.
Gin-ako ni Baldwin nga napaslawan siya sa iya responsibilidad bilang lider, coach, kag bisan bilang abyan sa iya mga atleta.
Nahibaluan nga antes ini nga magpaguwa sang video statement, naghingyo anay ang Ateneo kay Baldwin nga indi magpaguwa sang public statement samtang padayon pa ang imbestigasyon sa trahedya.
Masobra naman sa 163 ka mga faculty members sang unibersidad ang nagpanawagan sa school administration nga mangin transparent kag accountable kasunod sang insidente.
Ginkwestyon sang faculty members kun ginsunod bala ang university regulations kag “due process” sa aktibidad kag kun may safety measures bala kaangot sa paglangoy sa dagat.
