‘Blue Ribbon hearing’ subong nga adlaw? Misinformation suno kay Tulfo

Gintawag ni Senate Blue Ribbon committee chairman Erwin Tulfo nga “illegitimate” ang ano man nga hearing nga himuon subong nga adlaw, Hunyo 16.

Kasunod ini sang gin-anunsyo ni former Rep. Mike Defensor nga may “Blue Ribbon committee hearing” nga himuon 10:00 subong nga aga sa Doublegem EDSA Garden Events Place. Ginapahayag nga tambungan ini sang faction ni Sen. Alan Peter Cayetano kaupod ang 18 ka bagmen ni former Rep. Zaldy Co kag 14 ka iban pa nga mga indibidwal.

Sa anunsyo naman sang Blue Ribbon Oversight Office Management nga pirmado ni Tulfo, gin-athag nila nga wala sila sang naka-schedule nga hearing subong nga adlaw baliskad sa gin-post ni Defensor.

Ginlaragway man sang panel nga misinformation ang ginapalapta ni Defensor.

“The Committee wishes to clarify that the recent announcements made by former Congressman Mike Defensor regarding an alleged hearing on said date were made without the authority, and approval of the Committee. Accordingly, the Committee categorically rejects the misinformation being circulated online,” suno sa elected chair sang Senate panel.

Wala man ini sang legal standing suno kay Tulfo agud nga mag-anunsyo sang hearing bangud indi man ini myembro sang Senado kag sang Blue Ribbon.

“Consequently, he is not privy to the official investigations of this body. He possesses no legal standing to announce any proceeding on behalf of the Senate,” suno pa sa senador.

Suno pa kay Tulfo, maathag pa sa adlaw nga isa lang ini ka sahi sang destabilisasyon. Pahayag pa sini, 99.9% siya nga sigurado nga pakahuy-an kag gub-on sa amo nga hearing ang Presidente kag mga opisyal sa pungsod.

“I am sure, 99.9 percent, that they will again malign the President and all officials,” pahayag ni Tulfo. “This is why he wants public support, so people can watch him. That’s why the last gathering was a sham, an illegal gathering. What is their objective?”

Ginpahayag pa ni Tulfo nga wala sang myembro sang Blue Ribbon committee secretariat nga ipadala sa hearing nga gin-anunsyo ni Defensor.

Matandaan nga ginapanindugan gihapon ni Cayetano nga siya ang Senate President, kag ginapanindugan man sini nga ang iya utod nga si Pia amo ang Blue Ribbon chair samtang si Rodante Marcoleta naman ang nagapanguna sa subcommittee.#