Nangin maayo ang resulta sang pag-updanay sang Filipino Tennis Star Alex Eala kag American Professional Tennis player Venus Williams matapos makasulod sa quarterfinals sang doubles tournament sang Bad Homburg Open.
Naperde ni Eala kag Williams ang American-Australian nga pares nga sanday Catherine Harrison kag Alexandra Osborne, 6-3, 6-4, sa Round of 16.
Apisar nagpanguna gilayon sa score nga 4-0 sa nahauna nga set sang hampang nagbalos naman sang mabaskog nga depensa ang ila kasumpong sa ikaduha nga set.
Sa quarterfinals, maga-atubangay si Eala kag Williams sa ikaduha nga seeded pares nanday Slovak Tennis Star Tereza Mihalikova kag British Tennis Star Olivia Nicholls.
Nahibaluan nga nagapungko subong si Eala sa ika-30 nga puwesto sa pinakabag-o nga WTA rankings, nagtapos na sang iya singles campaign sa Bad Homburg matapos mapierde sa nahauna nga round.
Kabahin ini sang iya pagpanghanda para sa Wimbledon, diin sa una nga tion mahimo siya nga seeded player.
