Ginklaro ni Senador Francis “Chiz” Escudero nga wala sang kahilabtanan ang inaway nga nagakatabo sa Senado sa nagahilapit nga impeachment trial ni Vice President Sara Duterte.
Sa matandaan nga natapos lamang sang nagligad nga semana ang indi pag-intindihanay sa liderato sang Senado sang napilian si Senator Sherwin Gatchalian bilang bag-o nga Senate President sa isa ka special session sang Kongreso.
Nakabaton si Gatchalian sang 13 ka boto nga kinahanglan agud mabuslan sini si Senator Alan Peter Cayetano.
Pahayag pa ni Escudero nga nagakatabo nga indi pag-intindihanay sa Senado kag ang special session sang Kongreso nga naresolbar ang wala sang kahilabtanan sa nagahilapit nga impeachment trial ni Duterte nga nakatalana na nga magsugod sa Hulyo 6.
Sa matandaan nga ginsorpresa si Escudero ang Senado sang nagpakita ini sang Hunyo 3 agud mag-upod sa anay minorya, nga nagbulig sa pagresolbar sang inaway sa senado kun sa diin nagresulta ini sa pagkaelihir kay Senador Win Gatchalian bilang Senate President Pro Tempore.
Sang Hunyo 17, nagtambong man si Senador Joel Villanueva sa special session, nga naghatag sa grupo ni Gatchalian sang ika-13 nga boto nga ila kinahanglan.
Sa pihak nga bahin, una na nga ginpahayag ni Senador Panfilo Lacson nga may plano nga himuon si Escudero bilang presiding officer sang impeachment trial bangud indi abogado si Senate President Win Gatchalian.
Apang suno kay Escudero, wala pa sang pinal nga desisyon nahanungod diri.
Dugang pa ni Escudero nga ila tinguhaan sang Senado nga mapadayon sa gihapon ang ila mga buluhaton sa legislative samtang ginadumalahan man ang impeachment trial.
