Magapatigayon subong nga adlaw, Hunyo 28, sang White Ribbon Movement March nga pagapangunahan sang apat ka mga dalagkuan nga mga religious groups sa bilog nga pungsod para sa padayun nga panawagan sang publiko nahanungod sa korapsyon.
Ang White Ribbon Movement (WRM) ang gintukod nga isa non-partisan coalition kun sa diin magapartisipar man ang mga civil society groups agud punggan ang korapsyon, ang political dynasties, kag amo man sa pagduso sang mga reporma nga magapasangkad sang kredibilidad sa eleksyon sa pungsod.
Suno kay Bishop Efraim Tendero, global ambassador sang World Evangelical Alliance, mangin importante nga lihok para sa publiko ang nasambit nga nationwide faith-based rally agud nga buksan ang paminsarun sang publiko para sa mas maayo nga bwas-damlag sang pungsod.
Ini man ang magaserbe nga panahanumdom nga kinahanglan nga halungan ang dignidad kag interes sang tawo agud malikawan ang sala sang pila ka mga opisyal kaangay sang korapsyon.
Gina-ekspektar nga nilibo ka mga indibidwal ang magatambong sa nasambit nga aktibidad.
