Makighinun-anon si President Ferdinand R. Marcos Jr. sa mga negosyante kag mga investor sa Canada sa iya opisyal nga pagbisita halin Hulyo 1 tubtob Hulyo 4, 2026.
Suno kay Palace Press Officer Claire Castro, lakip sa mga sektor nga magatambong sa mga meeting amo ang sektor sa pagmina, information technology (IT), business process management (BPM), telekomunikasyon, nuclear energy, kag mga financial service.
Ginapaabot man nga mapirmahan ang nagkalain-lain nga kasugtanan may kaangtanan sa enerhiya, komersyo, labor kag imigrasyon, turismo, kag kultura.
Nahibaluan nga nagpadulong kahapon nga adlaw, Hulyo 1 ang Presidente sa Vancouver, Canada upod si First Lady Liza Araneta-Marcos.
