Gin-engganyo ni anay Presidente Rodrigo Duterte ang mga Pilipino nga padayunon ang ila pagprotesta batok sa iya ginatawag nga mga pagpang-abuso sa pungsod.
Ini ang mensahe nga ginpahayag sang iya anak nga si Veronica “Kitty” Duterte samtang nagaatubang sa mga supporter sang anay presidente sa The Hague, Netherlands.
Suno kay Kitty, ginsugiran niya ang iya amay sang mga nagakatabo sa Pilipinas lakip na ang protesta nga ginpangunahan sang Iglesia ni Cristo.
“Maiksi lang ‘yung sinabi niya. He said, ‘Sa mga Pilipino, ipagpatuloy n’yo ‘yan.’ So, take it however you think it means,” suno kay Kitty.
Dugang pa sini, nagapati ang anay presidente nga magaabot ang tion nga mapuno ang pasensya sang mga Pilipino bangod sa ila ginatan-aw nga mga pagpang-abuso.
“Sa abuso nila sa atin, darating ‘yung panahon na mapupuno talaga ‘yung Pilipino. So, ipagpatuloy n’yo ‘yan. ‘Yun ‘yung sinabi ni PRRD,” pahayag pa sang anak.
Ginpanawagan man sini sa mga Pilipino nga magtindog para sa Pilipinas kag sa ila isigkatawo, kag nagpangabay nga ipabilin nga malinong ang tanan nga mga lihok.
“In whatever way you can, to all the Filipinos, ipaglaban n’yo ang Pilipinas, ipaglaban n’yo ang kapwa natin. Kasi hindi sila titigil hanggang tayo na talaga ‘yung magtayo para sa sarili natin. Hopefully, everything is peaceful,” dugang sini.
Kagab-i, nagtakop na ang tatlo ka adlaw nga rally sang INC bangud ginapahayag nga napalab-ot na nila ang ila luyag ipadala nga mensahe.#
