Magadeploy naman ang Philippine National Police sang 6,000 ka mga pulis sa pagbukas sang impeachment trial ni Vice President Sara Duterte sa Hulyo 6.
Ini agud masiguro ang seguridad sa palibot sang Senado.
Suno sa PNP, nakapreparar na ang ila pwersa para sa posible nga mga rally kag protesta sa tion sang pagsugod sang trial sang bise presidente.
Sa pihak sang preparasyon, ginpahayag sang PNP nga tubtob subong wala pa sang grupo nga nag-file sang aplikasyon para sa permit sa paghiwat sang rally.
Padayon nga ginabantayan sang kapulisan ang sitwasyon kag ginapasiguro nga mangin malinong kag organisado ang seguridad sa palibot sang Senado samtang ginahulat ang pormal nga pagsugod sang impeachment trial ni Vice President Sara Duterte.
