Normal lamang suno sa kampo ni Vice President Sara Duterte ang madamo nga objection nga ginhimo sang defense counsel sa ikaduha nga adlaw sang impeachment trial bisan pa nga kalabanan sini ang ginbasura sang impeachment court.
Suno kay Atty. Michael Poa, spokesperson sang defense team, sa bisan ano nga korte ukon hearing, natural lang nga may mga objection ang duha ka kampo ilabi na kun ginapamangkot na ang mga testigo.
“That is only natural. You will see in any litigation or trial proceeding, especially during the examination of witnesses, that objections will inevitably be raised by both sides,” pahayag ni Poa sa press conference kasunod sang proceedings.
Suno kay Poa, nag-object sila bangud nagapati ang depensa nga may mga leading questions ang prosecution sa pagpamangkot sa testigo nga si National Bureau of Investigation (NBI) Senior Agent John Mark Calilung nga nagpresentar sang digital nga ebidensya kahapon.
Dugang pa niya, indi importante para sa depensa kon ginbaton ukon ginbasura ang ila objection. Ang importante, pahayag sini, ma-rekord ang ila posisyon sa opisyal nga rekord sang korte.
“It is only natural to have such objections, and naturally, we want to put our objections on record,” dugang sini, “…that’s up to the court, whether the objection is sustained or overruled. That’s okay with us as long as we put things on record.”
Nahibaluan nga kahapon, Hulyo 7, ginpanugyanan ni presiding officer Francis “Chiz” Escudero ang abogado sang defense nga maghatag sang gamay pa nga pasensya samtang nagapamangkot si counsel for the prosecutors Atty. Amando Virgil Ligutan sa testigo.
Sa offer of testimony pa lamang, naga-object na si Atty. Carlo Narvasa tubtub sa mga pamangkot ni Ligutan. Lakip sa iya ginreklamo amo ang madamo nga “pauses” suno sa iya kag wala siya nakahibalo kun tapos na si Atty. Ligutan sa iya pamangkot.
Ginpadayon ni Atty. Ligutan ang iya pamangkot apang nag-object naman liwat si Atty. Narvasa bangud “vague” suno sa iya ang pamangkot.
“We don’t really count wins or losses on a day-to-day basis. For the defense, we don’t view it that way because it is still too early in the proceedings,” pahayag pa ni Poa kaangot sa nauna nga pahayag sang prosekusyon nga gina-angkon nila ang kadalag-an sa ikaduha nga adlaw sang trial.
