Indi na pag-i-presentar sang prosecution sa impeachment court sanday Office of the Vice President Chief of Staff Atty. Zuleika Lopez kag House Legislative Security Bureau Executive Director Captain Belinda Bello.
Gin-anunsyo ini ni private prosecutor Lorna Kapunan matapos ang testimonya ni National Bureau of Investigation ukon NBI Bangsamoro Regional Director Jeremy Lotoc kahapon.
“It is the wisdom of the public prosecutors, as expressed through this representation, that we find it totally unnecessary, redundant and a surplusage to still present Atty. Zuleika Lopez and, as well, Capt. Belinda Bello,” suno kay Kapunan sa pagtindog sini sa impeachment court kagab-i, Hulyo 14.
Suno kay Kapunan, luyag kuntani sang prosecution nga ipatawag si Lopez agud pamatud-an ang kamatuoran sang video sang virtual press conference ni Vice President Sara Duterte kag ang presensya sini sang ginhimo ang ginapahayag nga pagpamahog batok sa president, first lady, kag former house speaker.
Apang suno sa prosecutor, ang paggamit mismo sang defense panel sa amo nga video nagakahulugan nga ginbaton na nila nga matuod ang presscon.
“We would have wanted her to prove… that she was present at the detention center when the Vice President uttered the statements that she had already contracted a killer to kill the President, the First Lady, and the House speaker,” suno kay Kapunan.
“Admitted already, by no less than Attorney (Mark) Vinluan who mentioned more than 10 times that press conference occurred, Vice President and Zuleika was (sic) there,” dugang sini.
“Totally unnecessary because, why? Because the defense themselves used the very same video, that exhibit, in their defense when they showed Atty. Zuleika crying and allegedly complaining about the violation of her human rights,” suno sa private prosecutor.
Pahayag pa niya, bastante na ang mga dokumento kag testimonya nga ginpresentar sang mga opisyal sang NBI, lakip si Lotoc, kag ang mga pamangkot sang mga senador nga nagaserbe bilang mga hukom.
Suno pa kay Kapunan, corroborative ukon magapalig-on lamang kuntani ang testimonya ni Captain Belinda Bello may kaangtanan sa transfer order sa detention facility, gani indi na man ini kinahanglan ipresentar.
Ginbaton naman sang defense panel ang desisyon sang prosecution.
Suno kay Atty. Michael Poa, isa sa mga abogado ni Vice President Duterte, wala nila ginapaabot ang amo nga tikang, apang wala man sila sang ano man nga objection sa desisyon sang prosecution.
Nahibaluan nga nag-abot si Atty. Zuleika Lopez sa Senado kahapon antes magsugod ang hearing kag nagdiretso sa holding area sang defense panel.
