Nakalab-ot na ang Bagyo Kiyapo sa kadagatan nga sakop sang Camiguin Island, Calayan, Cagayan.
Sa 2:00 p.m. weather bulletin sang PAGASA, dala sang bagyo ang kabaskugon sang hangin nga 75 km/h malapit sa sentro kag pagmadlos nga tubtub sa 90 km/h.
Nagahulag ini sa direksyon nga pa-nakatundan naaminhan-nakatundan sa kadasigon nga 25 km/h.
Nagapabilin sa Signal No. 2 ang:
➣ Batanes, northern portion sang Cagayan lakip na ang Babuyan Islands, northern portion sang Apayao, kag northern portion sang Ilocos Norte
Yara naman sa Signal No. 1 ang:
➣ nabilin nga bahin sang mainland Cagayan, Isabela, Quirino, Nueva Vizcaya, nabilin nga bahin sang Apayao, Abra, Kalinga, Mountain Province, Ifugao, Benguet, nabilin nga bahin sang Ilocos Norte, Ilocos Sur, La Union, kag northern kag central portions sang Aurora
Magadala naman ang Southwest Monsoon ukon ang Habagat sang mamadlos nga hangin ilabi na sa coastal kag mataas nga areas sa kadam-an nga parte sang pungsod subong nga adlaw.
Sa forecast track, magalabay ang sentro sang bagyo ukon maga-landfall sa vicinity sang Babuyan Islands sa masunod nga anum ka oras.
Gina-forecast nga maga-guwa ini sa Philippine Area of Responsibility (PAR) sa bwas sa aga.
