Ginsabat ni House Prosecutor kag Akbayan Party-list Rep. Chel Diokno ang pagpakigbahin sang social media page ni Senator-Judge Pia Cayetano sang isa ka uploaded video kun sa diin makit-an ang spliced video sang sabtanay ni Senator-Judge Alan Peter Cayetano kag sang kongresista.
Suno kay Diokno, indi isa ka “fishing expedition” ang pagpa-subpoena sang bank records ni Vice President Sara Duterte sa impeachment trial.
Ginklaro niya nga may ara ini sang nagakaigo nga basehan ukon probable cause base sa Anti-Money Laundering Council (AMLC) bangud sa gina-alegar nga bilyun-bilyon nga transaksyon sa mga account ni Duterte kag sang iya bana nga si Atty. Mans Carpio.
Ini agud makit-an sa trial kun nagasanto ang bank records sang bise presidente sa AMLC reports.
Naghatag man sang suporta ang Akbayan Partylist kay Diokno kag nagpahayag nga ginahungod sang mag-utod nga Senator-Judge nga lainon ang istorya bangud nahuy-an ang mga ini kay Diokno.
Dugang pa nila, makahuluya ang nangin aktwasyon sang senador bangud nagpalapta ini sang sala nga impormasyon.
