Ginpamatud-an ni Alex Eala ang iya abilidad sa tennis matapos sini ginpierde ang defending champion nga si Leylah Fernandez sang Canada.
Natapos ang hampang sa score nga 6-2, 7-6, rason nga naka-abante ang Pinay tennis star sa quarterfinals sang Mubadala Citi DC Open sa Washington, D.C.
Matapos makuha ang una nga set, nakabangon si Eala halin sa 5-1 nga nagbilin sa iya sa ikaduwa nga set apang nagdaog sa tiebreak rason nga nadala sini pauli ang kadalag-an sa isa ka oras kag 53 ka minuto.
Suno kay Eala, nangin yabi sini sa kadalag-an amo ang iya nga patience kag kabakod sa tunga sang mabudlay nga tion sang iya nga hampang.
Sa quarterfinals, maatubang sang Filipina tennis star ang magadaog sa tunga nanday Polina Kudermetova sang Russia kag Elina Svitolina sang Ukraine samtang padayon ang iya nga paghanda para sa US Open.
