Gintawag ni Batangas 1st District Representative Leandro Leviste ang National Bureau of Investigation ukon NBI nga “National Bureau of Imbento.”
Suno kay Leviste, nagahimo sang mga kamala-malahan ang NBI gamit ang buwis sang katawhan samtang yara sa mabudlay nga kahimtangan ang pungsod.
“Nag-iimbento ng kalokohan gamit ang buwis habang lubog ang bayan. Nakakaawa ang nangyayari sa ating bansa,” suno sa kongresista.
Ginpahayag ini ni Leviste matapos mahibaluan nga maga-file ang NBI sang qualified human trafficking complaint batok sa iya may kaangtanan sa ginapatihan nga “honey trap” operation nga ginapahayag nga naga-target kay Executive Secretary Ralph Recto.
Nahibaluan nga nagguwa sa luwas sang pungsod si Leviste kag iya iloy nga si Senator Loren Legarda pila ka adlaw lang matapos nagpahayag ang Ombudsman nga imbestigaran sila sa plunder kag graft complaints bangud sang alleged uncompleted solar energy projects kag “ghost electricity.”
