Nagaplano ang Department of Finance ukon DOF nga liwat ipasuspinde ang excise taxes sa kerosene kag liquefied petroleum gas ukon LPG bangud sa nagasaka nga global oil prices kun sa diin naglapaw na sa 100 dollars kada barrel.
Ginahulat sang DOF ang certification halin sa Department of Energy (DOE) ang presyo sang Dubai crude oil nga liwat naglapaw sa 80 dollars kada barrel, nga amo ang basehan para sa suspension sang excise taxes sa kerosene kag LPG.
Suno sa DOE, nagsaka sang 8 dollars kada barrel ang presyo sang Dubai crude sang Setyembre 8 bangud sa nagadugang nga tension kag war risk sa Middle East.
Bangud sini, posible nga magsaka liwat sang tubtob P5 kada litro ang presyo sang domestic fuel products sugod sa masunod nga semana.
Pahayag sang ahensya, ang full suspension sang excise taxes makapamubo sang P37 sa presyo sang 11-kilogram LPG tank kag P5.65 naman sa kada litro sa kerosene.
Dugang pa, ang pagsuspende sang excise taxes ang mas makabulig sa poorer households.
