Nagpasaka sang kaso ang mga opisyal sang British Columbia batok sa OpenAI ukon ChatGPT kag sa CEO sini nga si Sam Altman may kaangtanan sa nagluntad nga school mass shooting sa nasambit nga probinsya sa Canada sang nagligad nga Pebrero.
Ini matapos nahibaluan nga naggamit sang AI ang shooter agud planuhan ang nasambit nga krimen.
Kaupod man sa nagpasaka sang kaso amo ang pamilya sang mga biktima kun sa diin tinutuyo man sang mga ini nga manduan sang korte ang kumpanya nga magpatuman sang safety practices, magdetect sang posible nga krimen kag mapaalerto man ang mga awtoridad sa tion sang emerhensya.
Nahibaluan nga gin-flag sang safety team sang ChatGPT ang suspek sa nangin plano sini, apang wala ang mga ini sang gincontact nga opisyal ukon police nga posible makapugong pa tani sang nagluntad nga insidente.
Madumduman nga siyam ka mga estudyante ang ginbawian sang kabuhi bangud sa nasambit nga shooting incident.
