Ginpanindugan ni former Department of Public Works and Highways (DPWH) Undersecretary Roberto Benardo nga wala nagpangayo sa iya sang listahan sang flood control projects kag kickbacks si Leyte Rep. Ferdinand Martin Romualdez.
Ini kasunod sang pag-atubang ni Bernardo sa hearing bilang state witness subong nga adlaw, Oktubre 29 para sa bail petition ni Romualdez batok sa P7.4 billion nga kaso sang plunder kaupod sanday former house appropriations panel chairperson Zaldy Co, personal assistant Joselyn Tragua Sereño, kag Samchan Foreign Exchange Corporation President Felicito Cristobal Guevarra.
Ginkumpirma ni Bernardo nga wala niya nasambit sa iya affidavit nga nagapangayo ang kongresista sang kickbacks kag listahan sang mga proyekto, apang namensyonar niya ini sa konteksto nga nakita niya si Romualdez sa birthday celebration ni Senator Mark Villar sang 2016.
Gin-ako man niya nga nakabaton siya sang 1% financial gain sa kada transaksyon nga involved si anay DPWH Bulacan First District Engineer Henry Alcantara.
Sa iya pahayag, madumduman niya nga gintawgan lang siya ni Co sang tuig 2021 agud mamangkot parte kay Alcantara.
