Nagpangayo sang bulig sa National Bureau of Investigation (NBI) ang walo ka online bettors batok sa tatlo ka gambling platforms matapos nga wala nila makuha ang nadaugan nga premyo nga nagabalor sang kabug-osan nga P5 bilyon sa DigiPlus, BingoPlus kag ArenaPlus.
Suno sa isa sa mga complainants, ginpunggan pa siya nga makapauli sang mga representante sang kompanya kag nakabaton sang ginapatihan nga pagpamahog sa iya kabuhi.
Ginpahayag man niya nga may opisyal sang Philippine Amusement and Gaming Corporation (PAGCOR) nga nag-offer sa iya sang P300,000 bilang danyos bangud sa ginakabig nga glitch sang gambling app.
Samtang, ginpasiguro ni NBI-NCR Director Atty. Emeterio Dongallo Jr. nga usisaon sang ahensya ang mga alegasyon antes magdesisyon kun kinahanglan mag-isyu sang subpoena.
