Naka-record ang Philippine Ports Authority sang masobra isa ka milyon nga numero sang mga pasahero sa nagkalain-lain nga pantalan sa pungsod kadungan sang pagpauli kag pagbiyahe sang mga Pilipino subong nga Pista Minatay 2026.
Ginalauaman sang ahensya nga magalab-ot sa 1.9 million ang kabug-usan nga numero sang mga pasahero halin Oktubre 27 tubtob Nobyembre 5.
Mas mataas ini kumpara sang nagligad nga tuig.
Lakip sa lima ka pantalan nga ginalauman nga makaangkon pa sang madamo nga pasahero amo ang Iloilo River Wharf, Babak Port sa Davao del Norte, Batangas Port, Jordan Port sa Guimaras, kag Sasa Port sa Davao.
Samtang, ginmanduan na ni Department of Transportation (DOTr) Secretary Vince Dizon ang pagpatuman sang 24 hours ticketing system sa Manila North Port agud nga mabuligan ang mga pasahero nga nagabyahe apisar dis-oras sang gab-i.
Magabutang man sang dugang nga empleyado ang 2Go agud nga mabuligan ang mga pasahero nga kinahanglan magbakal sang ticket apisar gab-i na.
