Handa nga ipakita sang mga miyembro sang National Unity Party (NUP) sa Kamara ang mga amendments sa pagbag-o nga ila nga ginlakip sa ginaproponer nga 7.2 trillion pesos nga budget para sa tuig 2027.
Suno sa Deputy Speaker Ronaldo Puno, bukas ang ila nga Partido nga ihatag ang mga detalye kag dokumento sanga mga proyekto nga ila ginapasulod sa ginaproponer nga budget.
Kasunod ini sa pag-kwestyon sang ginapahayag nga kakulangan sang dokumentasyon kag pag-apruba sang mga ahensya sang gobyerno.
Ginpunto ni Puno nga dapat nga magaagi sa bottom-up approach ang mga ginaproponer nga proyekto, halin sa barangay, LGU’s, Regional Development Council tubtob sa designated nga ahensya.
Suportado man niya ang tikang sang Senado nga kuhaon ang P8 billion nga balor sang mga infrastructure projects sang Department of Public Works and Highways nga wala sang nagakaigo nga dokumentasyon.
Samtang, ginapahayag ni House Appropriations Panel Senior Vice Chairperson Abet Garcia nga ginabase sang mga mamalidha ang ila nga pag-amyenda sa mga pangabay sang nagakalai-lain nga sector sang gobyerno samtang ginakonsiderar ang limitado nga pondo sang gobyerno.
