Nagpadulong si Vice President Sara Duterte pakadto sa Hong Kong umpisa subong nga adlaw Nobyembre 6 tubtob Nobyembr 8 agud magtambong sa nagkalain-lain nga aktibidad, lakip na ang isa ka event nga gin-organisar sang Filipino Community (FilCom).
Base sa official statement nga ginpagwa sang opisina sang bise president, nakakuha na si Duterte sang permiso halin sa Regional Trial Court sa Quezon City, Branch 98, paagi sa order nga ginpagwa sang Nobyembre 3.
Nakakuha man ini sang nagakaigo nga travel authority halin sa Office of the President.
Ginpahayag man nga personal nga kwarta ni Duterte ang gingamit sa iya nga pagbiyahe.
“No government money, resources, or facilities shall be used in connection with her travel,” dugang pa.
