Ginpabutyag ni Senator Robin Padilla nga naselos ini kay Senator Ronald “Bato” Dela Rosa matapos ini ginpamangkut kun ano ang iya mensahe sa pugante nga senator.
Suno kay Padilla, naselos ini kay Dela Rosa bangud nga mga tumuluong ang nagapangita sini sa iya agud nga arestuhon.
Ginpaathag sini ang iya nangin pahayag paagi sa pagkumpara sa natabo kay Macario Sakay kag Andres Bonifacio kun sa diin ginbitay si Sakay sang mga Amerikano, samtang si Bonifacio naman ginpatay sang iya kapwa Pilipino.
Dugang pa ni Padilla, mas masakit kag mabug-at batunon kun ang mismo kapareho mo nga Pilipino ang magahimu sang malain sa imu rason nga naselos ini kay Dela Rosa.
Personal nga nagkadto si Padilla sa Department of Justice (DOJ) subong nga adlaw, Nobyembre 6, agud magpasaka sang iya counter-affidavit sa reklamo nga obstruction of justice.
Matandaan nga ang reklamo ang ginpasaka sang Philippine National Police–Criminal Investigation and Detection Group (PNP-CIDG) sa Department of Justice (DOJ) batok kay Padilla kag iban pa bangud nga ginatudlo ang mga ini nga nagbulig kay Senator Bato nga makaguwa sa Senado sang Mayo 14.
Nahibaluan man nga may separado pa nga reklamo nga ginpasaka sang civic group nga Tindig Pilipinas sa Office of the Ombudsman batuk kay Padilla.
