Ginalantaw sang Iloilo City Health Office nga posible nga may kaangtanan ang serotype sa padayon nga pagsaka sang kaso sang dengue sa syudad.
Ang Serotype amo ang apat ka nagkalain-lain nga klase sang dengue virus nga posible maggresulta sa dengue infection sa isa ka indibidwal.
Sa interview sang Bombo Radyo kay Dr. Roland Jay Fortuna, assistant department head sang Iloilo City Health Office, iya ginpahayag nga posible nga nagabalik ang ginatawag nga serotype sa mga kaso sang dengue, kaangay sang natabo sang 2019.
Madumduman nga naglab-ot sa masobra 3,000 ang kaso sang dengue sang amo nga tuig nga nagresulta sa deklarasyon sang dengue outbreak sa syudad.
Dugang pa ni Fortuna, padayon nila nga gina-monitor ang nagkalain-lain nga parameters sang sitwasyon agud mangin basehan sa paghibalo sang mga posible nga rason sa pagsaka sang kaso.
