Ginkwestyon ni Senator-Judge Ping Lacson ang ikaapat nga witness sang defense team nga si Atty. Suzette Balucanag-Punay kun ano ang nagadala sang mas mabug-at nga admissibility kag probative weight — kun ang admission against interest bala, ukon ang isa ka official public document.
“Between an admission against interest and official public documents like the GIS, which has more admissibility and probative weight?’ pamangkot ni Lacson kay Punay nga amo nga internal counsel sang GenCorp Industries Inc.
“The SEC records, Your Honor,” sabat ni Punay, apang ginkwestyon liwat ni Lacson kun sigurado siya.
Para kay Lacson, mas may bug-at ang admission against interest sandig sa Section 27 sang Rules of Court.
“Meron nga akong kilala, sa TV lang nag-admit, nakulong eh. Eto, notarized pa itong SALN,” pahayag nu Lacson nga nagatumod sa SALN ni Duterte.
Sa SALN sang vice president, gindeklarar sini ang iya interest sa mga kumpaniya kaangay sang GenCorp, bisan nga nagapanindugan naman ang witness kag defense nga indi kabahin si Sara sang amo nga korporasyon.
