Ginpa-evacuate ang mga estudyante kag school personnel sa masobra 300 ka mga eskwelahan sa Italya subong nga adlaw, Nobyembre 11 matapos makabaton sang mga peke nga bomb threat.
Natabo ang pagpamahog paagi sa email nga naghatag sang kakugmat sa mga eskwelahan sa European nations lakip na diri ang United Kingdom kag Ireland.
Base sa report, nakabaton man sang kaangay nga pagpamahog ang madamo pa nga eswkelahan sa Scotland, Northern Ireland kag Republic of Ireland, apang gilayon man nga ginkumpirma nga wala ini sang kamatuoran gani nagpadayon ang ila nga klase.
Suno kay Italian Prime Minister Giorgia Meloni nga wala sang mga nakita nga peligro sa mga bomb threat kag padayon nga gina-monitor sang mga pulis kag mga nadesignar nga ahensya ang sitwasyon.
Nagapahanumdom naman ang pila ka opisyal sa Europe nga posible kabahin ini sang serye sang pagpanggamo kag cyberattack batok sa mga pungsod nga nagasuporta sa Ukraine, nga gina-angot nila sa Russia kag Iran.
Lunsay ginpanginwala naman sang Russia kag Iran ang mga alegasyon nga ginahaboy batok sa ila.
