Naglab-ot na sa masobra P10-billion ang halit kag kapierdihan sa sektor sang agrikultura sa pungsod bangud sa epekto sang El Niño.
Suno sa Department of Agriculture, naglab-ot na sa P9.99 billion ang kabilugan nga halit nga na-rekord sang 16 ka rehiyon sa pungsod.
Pinakadako nga nahalitan ang sa produksyon sang mais nga nagalab-ot sa P5.63 billion, samtang P3.65 billion naman ang halit sa palay.
Suno sang ahensya, ginalauman nga maganubo sa isa ka milyon ka tonelada ang produukson sang palay subong nga 2026 kun ikumpara sang nagligad nga tuig.
Samtang, naglab-ot na sa P18.64 billion nga balor sang bulig kag intervension ang gintugyan sang DA sa mga apektado nga mangunguma, lakip ang mga agricultural inputs kag financial assistance.
Ginalauman nga magapadayon ang EL Niño tubtob sa una nga bahin sang masunod nga tuig, samtang, ginatun-an man sang DA ang ginaproponer nga 61.99-billion pesos nga action plan agud nga mabuhinan ang epekto sini sa suplay sang pagkaon kag pangabuhian sang mga mangunguma.
