Gin-athag ni Palace Press Officer Usec. Claire Castro nga indi maghatag sang bisan ano nga assessment ang Ehekutibo kag ang Malacañang nahanungod sa mga testigo nga nagaatubang sa impeachment trial ni VP sara Duterte.
Suno kay Castro, ginapanindugan ni President Ferdinand Marcos Jr. ang iya nauna nga pahayag nga dapat magpadayon ang proseso agud mahibaluan ang kamatuoran.
Ginpahayag man niya nga dapat manabat ang bisan sin-o nga mapamatud-an nga may responsibilidad sa mga alegasyon.
Ginpunto man sang opisyal nga nagapanguna nga katuyuan sang Senado nga mapahayag ang kamatuoran kag mahibaluan kun may natabo nga iregularidad.
Dugang pa niya, importante nga indi mag-impluwensya ang Ehekutibo sa nagapadayon nga imbestigasyon.
Nagpahanumdom man si Castro nga katungdanan sang tagsa ka opisyal sang gobyerno nga tumanon ang ila mandato kag mga adbokasiya.
Kinahanglan man suno sa iya nga panindugan nila ang mga prinsipyo nga yara sa Konstitusyon, ilabi na ang transparency kag accountability.
