Nagaplano ang defense team ni Vice President Sara Duterte nga magpresentar sang walo tubtob 10 ka dugang nga testigo sa nagapadayon nga impeachment trial sang bise presidente.
Suno kay Atty. Michael Poa, spokesperson sang defense team, ginapadasig sang depensa ang pagpresentar sang ila mga ebidensya para sa Article II sang impeachment case, nga nagalakip sang alegasyon nahanungod sa unexplained wealth ni Duterte.
Ginpahayag ni Poa nga may duha pa ka adlaw nga trial sa masunod nga semana pagkatapos sang break bangud sa 49th ASEAN Summit kag Related Summits.
Sa amo nga mga adlaw, ginapaabot nga ipresentar sang depensa ang nabilin nila nga mga testigo.
Ginalantaw man sang legal team kun mahimo nila matapos ang pagpresentar sang ebidensya antes matapos ang masunod nga semana.
Suno kay Poa, gusto nila malikawan ang malawig nga break sang trial bangud sa deliberasyon sang 2027 national budget kag agud indi madula ang momentum sang testimonya.
Ginpahayag man niya nga mas maayo nga matapos sang temprano ang ila presentasyon sang ebidensya agud mas maintindihan sang mga senador kag publiko ang ila depensa.
Ka-bombo ang impeachment trial of Vice President Sara Duterte ang maga-resume sa Nobyembre 19 pagkatapos sang Association of Southeast Asian Nations (Asean) Summit.
Padayon lang sa pagbantay diri sa Bombo Radyo Philippines para sa latest nga mga development may kaangtanan sa impeachment trial
