Nagapangatubang subong sang kaso nga kriminal ang konduktor sang Southern Star Bus Transit Incorporated nga gin-akusaran sang pagpangharass sa isa ka babaye nga pasahero nga Person with Disability (PWD) kag anak sini nga menor de edad nga babaye.
Natabo ini sa sulod sang isa ka provincial bus nga nagabyahe sa Bohol sang Nobyembre 1.
Magluwas sa pagpasaka sang kaso, nagpagwa man ang Land Transportation Franchising and Regulatory Board (LTFRB)-7 sang show cause order batok sa bus operator agud magsabat.
Nagpaandam man ang ahensya angot sa atubangon nga konsekwensya sang mga bus operator kun mapaslawan sila nga mapat-ud ang proteksyon sang ila pasahero.
Pila sa posible nila atubangon amo ang suspensyon kag pagbawi sang franchise.
