Nagpakigbahin man liwat ang Philippine Air Force (PAF) sa Dugong Bombo 2026.
Sa interview sang Bombo Radyo kay acting Non-Commissioned Officer in Charge sang Civil Military Operations Section sa Tactical Operations Group 6 sang Philippine Air Force Sgt. Jessa Peniero, umpisa sang siya gin-assign sa Iloilo, kada tuig na ang pag-suporta sang ahensiya sa Dugong Bombo.
Dugang pa niya, nagapakig-angut ang Philippine Air Force sa mga stakeholders sang Tactical Operations Group 6 nga may kaparehas nga katuyuan kun sa diin nangin win-win situation para sa ila bangud sang paghatag sang bulig nga magdonar sang dugo sa mga nagakinahanglan.
Iya man ginpakig-ambit nga nangin aktibo man ang Tactical Operations Group 6 sa mga bloodletting activity, kag isa ini sa mga aktibidad nga ila ginakalangkagan.
