Nagtanyag ang Canada nga magahatag sang bulig sa Pilipinas sa pagtukod kag pagdumala sang mga data center sa pungsod bilang kabahin sang pagpabaskog sang ila relasyon sa negosyo.
Suno kay Canadian Trade Minister Maninder Sidhu, may 200 ka proyekto sang data center ang Canada nga ginapreparar subong nga tukoron kag kapin sa 3,500 ka kompanya nga nagagamit sang artificial intelligence (AI).
Ginpabugal man sang Canada ang ila eksperyensya sa paggamit sang magagmay nga modular reactor bilang suplay sang enerhiya para sa mga data center.
Dugang pa, handa man sila nga buligan ang Pilipinas sa pagproseso sang mga mineral nga importante sa paghimo sang computer chips para sa AI.
Nahibaluan nga handum sang Canada nga mangin trusted partner sang Pilipinas sa ila pagatukoron nga mga negosyo.














