Gin-welcome ni President Ferdinand R. Marcos Jr. si US President Donald J. Trump sa Malacañan Palace subong nga adlaw.
Kadungan ini sang pagkomemorar sang Pilipinas kag Estados Unidos sang ika-80 nga anibersaryo sang diplomatic relations kag ika-75 nga anibersaryo sang Mutual Defense Treaty.
Kahapon sang nag-abot sa Pilipinas si Trump para magtambong sa ASEAN-US Special Summit kadungan sang 49th Association of Southeast Asian Nations (ASEAN) Summit and Related Summits.
Ang United States amo ang pinakamadugay na kag nagaisahanon nga treaty ally kun sa diin ang relasyon sang duwa ka pungsod ang nakasandig sa mayor nga agreements pareho sang Mutual Defense Treaty (MDT), Visiting Forces Agreement (VFA), kag Enhanced Defense Cooperation Agreement (EDCA).
Magluwas sa defense kag security, nagapabilin nga mapag-on ang economic relations sa tunga sang duwa ka pungsod.
Sang 2025, ang United States nangin third-largest trading partner sang Pilipinas kag nangin top export market kun sa diin ang bilateral trade naglab-ot sa US$21.6 billion.














