Lima ka lugar sa pungsod ang ginapaabot nga makarekord sang danger level nga heat index subong nga adlaw sang Huwebes, Nobyembre 19.
Base sa forecast sang Philippine Atmospheric, Geophysical and Astronomical Services Administration (PAGASA) yara sa 43°C ang heat index sa Coron, Palawan kag Aborlan, samtang 44°C sa Puerto Princesa City.
Nalakip man diri ang Dumangas, Iloilo nga ginapaabot magadangat sa 40°C ang init kag Zamboanga City nga may 45°C.
Nagpaandam ang PAGASA nga posible makabatyag sang heat cramps kag heat exhaustion ang mga tawo sa mga lugar nga may danger-level heat index.
Gina-abisuhan ang publiko, partikular na ang mga nagatrabaho sa gwa, kaangay sang mga estudyante, commuters, bata kag tigulang nga likawan ang madugay nga pagtinir sa init, mag-inom sang tubig kag maghalong sa heat-related illnesses.
Dugang pa diri, ginamanduan man ang publiko nga likawan ang pag-inom sang tsaa, kape, makahulubog nga ilimnon kag carbonated drinks agud malikawan ang dehydration.














