Posible nga magkulang ang suplay sang baboy sa Pilipinas sa una nga tatlo ka bulan sang 2027 bangod sa ginpatuman nga 60-day suspension sa pag-import sang nagkalain-lain nga klase sang baboy halin sa iban nga pungsod.
Suno sa United States Department of Agriculture (USDA), mahimo nga mas mabatyagan ang epekto sini halin sa ulihi sang Enero tubtob sa umpisa sang Marso 2027.
Nahibaluan nga ginpatuman sang Department of Agriculture (DA) ang pagdumili sang importation agud maprotektahan ang lokal nga mga local hog raisers nga naapektuhan sang madamo nga imported nga karne.
Ginpahayag sang DA nga naglab-ot sa 121,000 metric tons ang stock sang karne sang baboy sang Hulyo kun sa diin 94% sini ang imported.
Ginpaathag man nga nagkalugi na sang P27.9 bilyon ang lokal nga mga hog raisers sa una nga pito ka bulan subong nga tuig bangod sa pagdamo sang imported nga karne.
Dugang pa sang USDA, kinahanglan madugangan sang 14 porsyento ukon sobra pa ang lokal nga produksyon sang baboy agud masarangan ang kinahanglanon sang mga konsumidor.













