Handa ang spokesperson ni Vice President Sara Duterte nga si Atty. Paolo Panelo nga ipakita nga patas kag may maayo nga intensyon ang iya mga komento nga ginhimo kaangot sa impeachment trial.
“I welcome the opportunity to demonstrate that my comments were fair, made in good faith, & did not impede, obstruct, or degrade the administration of justice, and are thus constitutionally protected. I will formally respond to the show cause order within the period provided upon receipt,” pahayag sini.
Ini matapos nga gin-aprubahan ni Presiding Officer Chiz Escudero ang mosyon ni Senator-Judge Erwin Tulfo nga mag-isyu sang show cause order batok kay Panelo bangud sa iya mga pahayag kontra sa mga senador nga nagaserbe bilang mga hukom sa impeachment trial.
“You are the spokesperson of the Vice President na on trial here and then magkukumento ka hinggil sa Senator Judges at impeachment court. Para namang wala pong respeto ika nga impeachment court,” kabahin sang pahayag ni Tulfo kaina.
Matandaan nga isa sa mga pinakaulihi nga mga statement ni Panelo sa media ang nagasiling nga naga-akto ang iban nga senator-judges nga daw kaangay nga kabahin sila sang prosekusyon.
Natabo ini samtang nagapadayon ang defense team sa pagpresentar sang ila nga mga ebidensya kaangot sa alleged unexplained wealth sang bise presidente.#














