Pangunahan ni Department of the Interior and Local Government Secretary Benjamin Abalos Jr. ang gintukod nga Special Task Force Degamo (STF Degamo) agud masolbar sa labing-madali nga tion ang kaso sang pagpatay kay Negros Oriental Governer Roel Degamo.
Gin-designar naman nga co-chairpersons sanday Defense Officer-in-Charge Secretary Carlito Galvez Jr. kag Justice Secretary Crispin Remulla.
Ang task force commanders amo sanday Philippine National Police (PNP) Chief Police Gen. Rodolfo Azurin Jr., Armed Forces of the Philippines (AFP) Chief of Staff Gen. Andres Centino, kag National Bureau of Investigation (NBI) Director Atty. Medardo de Lemos.
Suno kay PNP spokesperson Pol. Col. Jean Fajardo, gin-establisar ini nga “whole of the government approach” agud nga matapna ang tanan nga porma sang violence sa Negros Oriental kasunod sa mandu ni President Ferdinand R. Marcos Jr.
Sabado, Marso 4, sang natabo ang krimen sa balay mismo sang gobernador sa Pamplona, Negros Oriental. ##
