ILOILO CITY – Napilian bilang chairman sang Committee on Constitutional Amendments and Revision of Codes ang actor kag first-time senator nga si Robin Padilla samtang si Senator Francis Tolentino naman ang gin-eleher bilang head sang Blue Ribbon Committee sa 19th Congress sa senado.
Ini ang resulta sang election sang mga senador sa una nga batch sang committee chairpersons.
Sa plenary session, yari ang mga chairpersons nga gin-install:
Finance: Sonny Angara
Accounts: Nancy Binay
Public Order Dangerous Drugs: Ronald dela Rosa
Local Government: JV Ejercito
National Defense: Jinggoy Estrada
Ways and Means: Sherwin Gatchalian
Health and Demography: Bong Go
Women, Children, Family Relations: Risa Hontiveros
Games and Amusement: Lito Lapid
Foreign Relations: Imee Marcos
Social Justice: Imee Marcos
Public Services: Grace Poe
Public Works: Ramon Revilla
Higher Education: Francis Escudero
Blue Ribbon: Francis Tolentino
Energy: Raffy Tulfo
Agriculture: Cynthia Villar
Trade: Mark Villar
Government Corporation & Public Enterprises: Alan Cayetano
Sustainable Development Goals: Pia Cayetano
Sa 39 ka mga standing committees, 22 pa gid lamang ang may yara sang chairman.
Natalana nga maghimo sang bag-o nga panel ang senado kaangay sang Committee on Migrant Workers nga una nga ginpahayag ni Senate President Juan Miguel Zubiri.
Ang Constitutional Amendments committee ukon ang mas kilala nga Cha-cha (Charter Change) panel.
Si Padilla ang isa ka advocate sang pag-switch sa federal form of government kag una na nga nagpahayag sang intensyon nga magpamuno sa amo nga komitiba apisar nga wala pa ini sang eksperyensya sa paghimo sang layi.
Sa pihak nga bahin, ang Blue Ribbon committee ang mas kilala nga Senate Committee on Accountability of Public Officers and Investigations.
