Nag-abante na si Alex Eala sa third round sang Dubai Tennis Championships matapos ang daku nga upset win batok sa world no. 8 player nga si Jasmine Paolini, 6-1, 7-6.
Ini nga Italian player ang nagkampyon anay sa amo man nga Dubai tournament kag subong ginakabig nga sixth seed.
Suno kay Eala, nalipay siya nga nalampuwasan niya ang isa ka player nga sulod sa Top 10, kag daku na ini nga achievement para sa iya.
Pahayag sini, puno sang mga Pilipino ang stadium, kag nakakuha siya sang inspirasyon nga ihatag ang tanan sa hampang bangud nakahibalo siya nga madamo ang nagapangamuyo para sa iya.
“I’m really happy to have gotten through. She’s a great opponent obviously being top 10. To be able to compete with her at this level is a great achievement for me,” suno sa Pinay player pagkatapos sang match.
“I was thinking that this stadium is full of Filipinos. Tapos sabi ko ilan kaya sa inyo ‘yung nagdadasal para sa akin? So I really had to give everything I got,” pahayag sini kaangot sa makahalawat-hawat nga tiebreak.
Ang Dubai Tennis Championships amo ang ikaanum nga tournament ni Eala subong nga tuig. Ang isahanon nga pro-title sang world no. 47 amo ang WTA 125 title nga iya nakuha sa Guadalajara, Mexico sang nagligad nga tuig.
