Magabalik sa Flushing Meadows si Filipina tennis star Alexandra “Alex” Eala matapos ini makasulod sa official entry list sang US Open nga patigayunon halin Agosto 30 tubtob Setyembre 13.
Upod si Eala sa listahan sang mga players kaupod ang defending champion nga sanday Aryna Sabalenka, pati sanday Elena Rybakina, Jessica Pegula, Coco Gauff, Mirra Andreeva, kag Iga Swiatek, lakip man ang iban pa nga bantog nga tennis player.
Ini na ang mangin ikaduha nga pagsulod ni Eala sa main draw sang US Open.
Sa matandaan nga naghimo si Eala sang kasaysayan sang nagligad nga tuig matapos sini makuha ang iya una nga kadalag-an sa main draw sang isa ka Grand Slam tournament, matapos mapierde si Clara Tauson.
Antes ang US Open, magapabilin anay si Eala sa iya North American swing kag magahampang sa mga tournament kaangay sang DC Open, Toronto Open, kag Cincinnati Open
