Indi na pagpasakaan sang kaso ang amay nga ginatudlo nga nagpatay sa iya anak nga lalaki sa Brgy. Sta. Rita. Oton, Iloilo.
Ang suspek amo si Raymundo Sarad, Sr. samtang ang biktima amo si Raymundo Sarad, Jr., 36-anyos, pareho nga residente sang amo nga lugar.
Sa interview sang Bombo Radyo kay Police Captain Lunelyn Talamillo, deputy chief of police sang Oton Municipal Police Station, iya ginpahayag nga nag-execute na sang affidavit of non-interest ang kabataan sang suspek.
Suno kay Talamillo, nakagwa naman sa presuhan ang suspek.
Apisar nga wala nag-ako ang amay sa otoridad nga siya ang nakabuno sa iya anak, nagtuad naman ini sa iya kabataan sa nahimo nga krimen.
Matandaan nga nasapwan ang biktima nga yara na sa kanal kag may pilas nga tuga sang pagkabuno.
Sang gab-i antes ang insidente, ginpahayag nga pareho nga hubog ang mag-amay kag masami man sila nga nagainaway kun makainom santo man sa pagkumpirma sang ila nga mga kasilingan.
