Nagtaliwan na sa edad nga 70-anyos ang American R&B singer nga si Angela Bofill nga kilala sa iya hit song nga “This Time I’ll Be Sweeter.”
Ginkumpirma ini sang iya abyan kag manager nga si Rich Engel paagi sa isa ka post: “On behalf of my dear friend Angie, I am saddened to announce her passing on the morning of June 13th. The funeral will be held at St. [Dominic’s] Church in [Vallejo, California] on June 28th at 1:00 pm.”
Antes sini, matandaan nga nagsuprer ang singer-songwriter sang duha ka magkasunod nga stroke sang 2006 kag 2007.
Pila ka beses siya nga nagbisita sa Pilipinas kag sang 1983, nag-perform ini sa Araneta Coliseum kun sa diin nakaupod pa si Sharon Cuneta.
May duha man ini ka shows sa Makati sang 2004 kag ginsundan sang pag-release sang album nga “Live in Manila” sang 2006 nga amo ang iya isahanon nga live album.
Lakip sa iya hits ang “You Should Know By Now,” “Tonight I Give In,” “Break It to Me Gently,” kag “I Try.”
