AMLC: ₱6.7-B bank transaction ni VP Sara, “covered and suspicious”

Ginbuyagyag sang Anti-Money Laundering Council (AMLC) nga kapin sa ₱6.7 bilyon nga balor sang mga bank transaction nga classified bilang “covered and suspicious” ang narekord sa idalom sang pangalan ni Vice President Sara Duterte kag sang iya bana nga si Atty. Manases Carpio.

Ang nasambit nga impormasyon ang pormal nga ginbuyagyag ni AMLC Executive Director Ronel Buenaventura sa pagpadayon sang impeachment hearing sang House Committee on Justice batok sa bise-presidente.

Ini nga mga transakyon ang halin sang 2006 tubtob 2025.

Sa isa ka summary report, gin-identify sang AMLC ang 313 covered transactions kag 17 suspicious transactions sa mga accounts ni Duterte, kag 317 covered kag 16 suspicious transactions sa mga accounts ni Carpio.

Ang total flagged amount naglab-ot sa ₱6.77 billion, nga may ₱3.77 billion nga naangot sa accounts ni Duterte kag ₱2.99 billion sa iya ni Carpio.

Suno kay Buenaventura, ang records nagapakita sang total inflows nga ₱1.83 billion pasulod sa account ni Duterte kag ₱2.59 billion sa iya ni Carpio nga account.

Ang outflows naglakip sang ₱1.21 billion nga gin-withdraw halin sa account ni Duterte kag ₱343.32 million halin kay Carpio.

Gin-identify man sang AMLC ang ₱791.1 million nga transactions nga indi ma-classify sang maayo base sa available records.

Suno sa ahensya, nagtaas ang banking activity ni Duterte sang pagsugod sang 2007 sang naglab-ot ang transactions sa ₱208.15 million.

Nadugangan pa gid ini sa tunga sang 2009 kag 2013, nga may annual totals nga naga-average sa masobra ₱400 million,lakip na ang ₱704.93 million sang 2009, ₱648.58 million sang 2010, kag ₱597.15 million sang 2011.

Sa kabilugan, ang AMLC nag-record sang ₱3.92 billion sa bilog nga 417 transactions halin 2005 tubtob 2026.