ILOILO CITY – Nalakip ang anay presidente sang Brazil nga si Jair Bolsonaro sa imbestigaran sa tinutuyo nga mahibaluan ang ginhalinan sang natabo nga riot sang Enero 8 nga nagguba sang mga government buildings sa Brasilia.
Ini ang suno sa isa ka Supreme Court judge.
Ang imbestigasyon sa anay lider ang kasunod sang request sang office of the prosecutor general kun sa diin, gintumod ang isa ka video nga gin-post ni Bolsonaro nga naga-kwestiyon sang legalidad sang 2022 presidential elections.
Bangud sini, mahimo nga ginhimo ni Bolsonaro ang krimen.
Nahibaluan nga linibo ka mga “bolsonaristas” ang nagsulod sa mga opisina sang gobyerno sa Brasilia, nagpangguba sang bintana kag mga gamit, mga malahalon nga arts kag nagbilin sang mga graffiti messages sang isa ka military coup.
Ang Bolsonaro video ang gin-post online duha ka adlaw matapos ang violent storming sang presidency nga gilayon man nga ginpanas sang Congress kag Supreme Court.
Gipanginwala naman ni Bolsonaro ang iya involvement sa kinagamo.
Suno sa iya, wala siya sang kahilabtanan sa gamo kag ginbasol ini sa mga “infiltrators.”
Nahibaluan nga madugay na nga ginakwestiyon ni Bolsonaro ang reliability sang election sang Brazil kag ginpahayag nga indi niya mabaton ang kapyerdehan.
Wala niya ginakilala ang kadalag-an ni President Luiz Inacio Lula da Silva kag nagbiya padulong sa Estados Unidos duha ka adlaw antes ang inagurasyon sang iya successor.
