ILOILO CITY- Nagpadulong sa Iloilo ang mga katapo sang Anti-Red Tape Authority (ARTA) para sa simultaneous inspections sa nanuhay-tuhay nga opisina sang gobyerno kag local government units.
May kaangtanan ini nagapadayon nga cARTAravan, isa ka nationwide campaign nga nagatuyo nga mapasangkad pa ang ihibalo sang publiko tuhoy sa ease of doing business and anti-red tape initiatives sang ahensya.
Sa interview sang Bombo Radyo kay ARTA Undersecretary Carlo Quita, iya ginpahayag nga ang tema sini amo ang “Isang Bansa sa Tren ng Pagbabago” nga nagatuyo nga magpukaw sang isa ka whole-of-nation approach paagi sa gintingob nga pwersa sang gobyerno nasyonal, LGUs,private sector, kag sang pumuluyo agud nga matapna ang bureaucratic red tape.
Suno kay Quita nga amo man ang Chief of Staff and Deputy Director General for Administration, Finance, and Special Programs sang ARTA,
luyag nila siguraduhon ang compliance sang national government agencies kag LGUs sa Republic Act No. 11032 ukon ang Ease of Doing Business and Efficient Government Service Delivery Act of 2018.
