Ginmando sang Malacañang ang mandatory nga pagsuksok sang anti-virus masks kag full face shields.
Suno kay Presidential Spokesperson Atty. Harry Roque, katuyuan sini nga malikawan ang pagtaas sang kaso sang COVID-19 ilabi na subong nga holiday season.
Nahibaluan nga sadto, required lang ang pagsuksok sang face mask kag shield sa mga malls kag sirado nga lugar.
Apang sa subong suno kay Roque, sa tion nga magwa ang tawo sa ila tagsa ka mga pamalay, nagakadapat nga magsuksok sang face mask kag shield.
“The inter-agency task force leading the country’s pandemic response, in its Monday meeting, required the public to wear face masks and shields whenever they go out of their residences, pahayag ni Roque.
Samtang suno naman kay Department of Health Undersecretary Maria Rosario Vergeire, nagakadapat nga magsuksok sang face shield sa tion nga magsuksok sang face mask ilabi na sa mga matawo nga lugar bangud ginapatihan nga nagabulig ini sa pagtapna sang paglaton sang kagaw sang 96%.
“Sa pagsuot ng face shield ay maiiwasan natin na makuha ang respiratory droplets mula sa ibang tao. Ang face shield po ang magsisilbing karagdagang proteksyon mula sa virus,” pahayag ni Vergeire.
Mahimo man suno kay Vergeire nga magamit sa liwat ang face shields, apang nagakadapat nga i-disinfect ini sang maayo.
“Hindi po ito one-time use at ito ay maaaring gamitin ng paulit-ulit basta sisiguraduhin lamang na nadidisinfect ito sa tuwing gagamitin.”
