Gin-appoint ni Pope Leo XIV si Jaro Archbishop Midyphil Billones bilang apostolic administrator sang Diocese of Kabankalan kasunod sang transition sang liderato sa lokal nga Simbahan.
Ginpahibalo ang appointment sa isa ka sulat sang Dicastery for Bishops nga may petsa Agosto 11 kag ginpaguwa sa publiko subong nga Biyernes, Agosto 14.
Ang Kabankalan isa ka suffragan diocese sang Archdiocese of Jaro nga kabahin sang ecclesiastical province nga nagalakip sa Western Visayas.
Buot silingon sini, magaserbe si Archbishop Billones bilang caretaker sang Diocese of Kabankalan tubtob nga ma-appoint kag ma-install ang bag-o nga obispo.
Ini nga appointment ang kasunod sang installation sang Martes kay Bishop Louie Galbines bilang obispo sang Bacolod halos tatlo ka bulan matapos siya ginbalhin ni Pope Leo halin sa Kabankalan kun sa diin nagserbe siya sa sulod sang walo ka tuig.
Nagbulos si Galbines kay retired Bishop Patricio Buzon nga nanguna sa Diocese of Bacolod sa sulod sang napulo ka tuig.
Si Billones naman nga anay auxiliary bishop sang Cebu ang nagpangalagad bilang Arsobispo sang Jaro halin Abril 2025.
