Ginkadismaya ni Atty. Ferdinand Topacio ang nagakatabo nga “selective justice” sa idalom sang subong nga administrasyon.
Gin-kwestyon man ni Topacio kun ngaa wala pa sang kaso nga napasaka batok kanday Senador Joel Villanueva kag House Speaker Martin Romualdez may kaangtanan sa isyu sang flood control, samtang suno sa iya, madasig lamang ang akto batok sa mga ginakabig nga kritiko ukon kontra sa administrasyon.
Gintudlo man sini ang kaso ni Senador Jinggoy Estrada kag ang ginaplano nga pagpasaka sang kaso nga plunder batok kay Senador Rodante Marcoleta.
Ginlaragway ni Topacio ang ini nga hitabo bilat isa ka “pilit gid” ang ginaplano nga kaso nga plunder batok kay Marcoleta.
Pahayag pa sini nga wala sang problema sa pagbaton sang campaign donations kag ginatugutan ini sa idalom sang Omnibus Election Code, kag dapat nagasunod sa mga limitasyon kag kinahanglanon nga ginapatuman sang layi.
Dugang pa sini, may ara pa sang pattern kon ang ginareklamo nga ang kaalyado sang gobyerno, malawig ang proseso sang imbestigasyon, apang kon kontra ukon kritiko sang administrasyon, mas madasig ang pagpasaka sa ila sang panumbungon.
