AUSTRALIA – Ginpabugal ni Australian Prime Minister Scott Morrison ang Australian-designed military drone nga nagagamit sang artificial intelligence technology.
Ini ang ika-labing una nga military plane nga gindesinyo kag ginhimo sang Australia.
Gindevelop ang gintawag nga ‘Loyal Wingman’ sang Royal Australian Airforce sa bulig man sang US manufacturer nga Boeing.
Ang nasambit nga drone ang makasarang nga makalupad sang 3,700 ka kilometro kag ginalauman nga gamiton ini sa gyera kaupod ang iban pa nga mga manned aircraft kaangay nalang sang Joit Strike Fighters.
Nahibaluan nga ginsuguran na ang ground testing para sa working prototype sang Loyal Wingman paagi sa taxi samtang ang flight test naman ang plano nga patigayunon antes matapos ang 2020..
Magahatag naman sang $40 milyon ukon halos P2-trilyon ang Federal government agud mangin madinalag-on ang nasambit nga proyekto.
