Padayon nga gina-imbestigaran sang otoridad ang report ni Land Transportation Franchising and Regulatory Board (LTFRB) chair Teofilo Guadiz III nga ginsulod sang armado nga kalalakinhan ang iya nga balay.
Mierkules, Disyembre 13, sang natabo ang insidente kum sa diin may tatlo ka salakyan kag masobra 10 ka mga lalaki.
Suno sa opisyal, wala siya sang hinalung-ong sa motibo sang mga suspek, apang nagapati siya nga personal ini kag indi pagpangawat.
Isa ini ka “traumatic experience” para sa iya pamilya suno kay Guadiz ilabi na sa iya nga 91-anyos nga iloy nga yara man sa amo nga balay sang amo nga adlaw.
Ginpasalig sini nga atubangon niya ang iya nga mga katungdanan sa ahensya apisar sang natabo nga insidente.
“I am fully cooperating with authorities to investigate the matter. I am confident that justice will be served,” pahayag sini.
Wala na ini sang gindugang nga detalye kaangot sa hitabo apang nagsiling nga ipahibalo niya kun may update sa imbestigasyon.#
(Photo: LTFRB)
