Balantayan ang international premiere sang pelikula nga “Balota” sa 44th Hawaii International Film Festival sa Estados Unidos sang Amerika.
Tatlo ang screening dates sini nga amo ang October 6 kag 12 sa Consolidated Theaters Kahala kag October 21 sa Lanai Theater sa Hale Keaka.
Mangin available naman ang tickets paagi sa website sang theater.
Magluwas diri, magabalik man ini sa mga sinehan sa Pilipinas umpisa sa October 16 nga may bag-o nga cut.
Bida sa pelikula nga ini si Marian Rivera nga ginsulat kag gin-direct ni Kip Oebanda.
Isa ini ka istorya sang land-grabbing tycoon kag former male sexy actor nga naga-sumpunganay sa mayoral seat sa isa ka gamay nga banwa. Sang natabo ang mga ginamo, isa ka teacher ang nagpalagyo sa kagulangan dala ang box sang balota nga nagaunod sang kopya sang resulta sang eleksyon.
Si Marian amo ang nagadala sang papel ni Teacher Emmy kag siya anay ang ginhingadlan nga Best Actress sa Cinemalaya awards night.
Magluwas sa iya, yara man sa cast sanday Sassa Gurl kag Esnyr, Will Ashley, Royce Cabrera, Raheel Bhyria, Nico Antonio, Donna Cariaga, Joel Saracho, Sue Prado, Mae Paner, kag Gardo Versoza.
